മുഖ്യമന്ത്രി, ചീഫ് സെക്രട്ടറി, സെക്രട്ടേറിയറ്റ് വകുപ്പുകളുടെ തലപ്പത്തുള്ള വിവിധ റാങ്കിലുള്ള സെക്രട്ടറിമാര്‍ എന്നിവരുടെ നേതൃത്വത്തിലുള്ള മന്ത്രിസഭയിലെ എല്ലാ അംഗങ്ങളുടെയും ഓഫീസുകള്‍ ഉള്‍പ്പെടുന്നതാണ് സര്‍ക്കാര്‍ സെക്രട്ടേറിയറ്റ്. നിലവില്‍ താഴെ പറയുന്ന പ്രകാരം 44 സെക്രട്ടേറിയറ്റ് വകുപ്പുകളുണ്ട്.
- കൃഷി വകുപ്പ്
- ആയുഷ് വകുപ്പ്
- പിന്നാക്ക വിഭാഗ വികസന വകുപ്പ്
- തീരദേശ കപ്പല്‍ ഗതാഗതവും ഉള്‍നാടന്‍ ജലഗതാഗതവും വകുപ്പ്
- ഉപഭോക്തൃകാര്യ വകുപ്പ്
- സഹകരണ വകുപ്പ്
- സാംസ്‌കാരിക വകുപ്പ്
- ഇലക്ഷന്‍ വകുപ്പ്
- ഇലക്ട്രോണിക്സ് & വിവരസാങ്കേതിക വിദ്യ വകുപ്പ്
- പരിസ്ഥിതി വകുപ്പ്
- ധനകാര്യ വകുപ്പ്
- മത്സ്യബന്ധന- തുറമുഖ വകുപ്പ്
- ഭക്ഷ്യ പൊതുവിതരണ വകുപ്പ്
- വനം-വന്യജീവി സംരക്ഷണ വകുപ്പ്
- പൊതുഭരണ വകുപ്പ്
- പൊതുവിദ്യാഭ്യാസ വകുപ്പ്
- ആരോഗ്യ- കുടുംബക്ഷേമ വകുപ്പ്
- ഉന്നത വിദ്യാഭ്യാസ വകുപ്പ്
- ആഭ്യന്തര വകുപ്പ്
- ഭവനനിര്‍മ്മാണ വകുപ്പ്
- വ്യവസായ-വാണിജ്യ വകുപ്പ്
- തൊഴില്‍ -നൈപുണ്യ വകുപ്പ്
- നിയമ വകുപ്പ്
- തദ്ദേശ സ്വയംഭരണ വകുപ്പ്
- ന്യൂനപക്ഷ ക്ഷേമ വകുപ്പ്
- പ്രവാസികാര്യ വകുപ്പ്
- പാര്‍ലമെന്ററികാര്യ വകുപ്പ്
- ഉദ്യോഗസ്ഥ- ഭരണ പരിഷ്‌കാര വകുപ്പ്
- ആസൂത്രണ, സാമ്പത്തികകാര്യ വകുപ്പ്
- ഊര്‍ജ്ജവകുപ്പ്
- പൊതുമരാമത്ത് വകുപ്പ്
- റവന്യൂ വകുപ്പ്
- സൈനിക ക്ഷേമ വകുപ്പ്
- പട്ടികജാതി-പട്ടികവര്‍ഗ വികസന വകുപ്പ്
- ശാസ്ത്ര സാങ്കേതിക വകുപ്പ്
- സാമൂഹ്യനീതി വകുപ്പ്
- കായിക യുവജനകാര്യ വകുപ്പ്
- സ്റ്റോര്‍സ് പര്‍ച്ചേസ് വകുപ്പ്
- നികുതി വകുപ്പ്
- വിനോദസഞ്ചാര വകുപ്പ്
- ഗതാഗത വകുപ്പ്
- വിജിലന്‍സ് വകുപ്പ്
- ജലവിഭവ വകുപ്പ്
- വനിത-ശിശുവികസന വകുപ്പ്
ധനകാര്യ വകുപ്പും നിയമ വകുപ്പും ഒഴികെ 42 സെക്രട്ടേറിയറ്റ് വകുപ്പുകളെ സാധാരണയായി അഡ്മിനിസ്‌ട്രേറ്റീവ് വകുപ്പുകള്‍ എന്നും അവയ്ക്കിടയില്‍ വിതരണം ചെയ്യുന്ന പ്രവര്‍ത്തനങ്ങളുടെ സ്വഭാവം കണക്കിലെടുത്ത് അഡ്മിനിസ്‌ട്രേറ്റീവ് സെക്രട്ടേറിയറ്റ് എന്നും വിളിക്കുന്നു. അഡ്മിനിസ്‌ട്രേറ്റീവ് സെക്രട്ടേറിയറ്റിലെ അഡ്മിനിസ്‌ട്രേറ്റീവ് വകുപ്പുകളില്‍ ഒന്നാണ് പൊതുഭരണ വകുപ്പ്.
ഗവ. സെക്രട്ടറി ഉള്‍പ്പെടുന്നതാണ് സെക്രട്ടേറിയറ്റിലെ ഓരോ വകുപ്പും. വിവിധ വകുപ്പുകളുടെ ചുമതലയുള്ള സെക്രട്ടറിമാര്‍ അഡീഷണല്‍ ചീഫ് സെക്രട്ടറി, പ്രിന്‍സിപ്പല്‍ സെക്രട്ടറി അല്ലെങ്കില്‍ സെക്രട്ടറി റാങ്കിലുള്ളവരായിരിക്കും. പൊതുവെ ഐ.എ.എസില്‍ നിന്നുള്ള അഖിലേന്ത്യാ സര്‍വീസ് ഓഫീസര്‍മാരായിരിക്കും ഇവര്‍. സ്പെഷ്യല് സെക്രട്ടറിമാര്‍, അഡീഷണല്‍ സെക്രട്ടറിമാര്‍, ജോയിന്റ് സെക്രട്ടറിമാര്‍, ഡെപ്യൂട്ടി സെക്രട്ടറിമാര്‍, അണ്ടര്‍ സെക്രട്ടറിമാര്‍, സെക്ഷന്‍ ഓഫീസര്‍മാര്‍ എന്നിവര്‍ ഇവരെ സഹായിക്കുന്നു.
അധികാരശ്രേണി:
ഒരു സെക്രട്ടേറിയറ്റ് വകുപ്പിനെ പല വിഭാഗങ്ങളായി തിരിച്ചിട്ടുണ്ട്. സെക്ഷന്‍ ഓഫീസറുടെ ചുമതലയിലുള്ള ഒരു സെക്ഷന്‍, സെക്രട്ടേറിയറ്റ് ഭരണത്തിന്റെ അടിസ്ഥാന യൂണിറ്റാണ്. എല്ലാ ഫയലുകളും ഉത്ഭവിക്കുകയും കൈകാര്യം ചെയ്യുകയും ആശയ വിനിമയങ്ങള്‍ തയ്യാറാക്കുകയും അയയ്ക്കുകയും ചെയ്യുന്നത് സെക്ഷന്‍ ഓഫീസുകളിലാണ്. ഒരു സെക്ഷനില്‍ സാധാരണയായി 2-4 അസ്സിസ്റ്റന്റുമാരും, കമ്പ്യൂട്ടര്‍ അസ്സിസ്റ്റന്റുമാരും ഓഫീസ് അറ്റന്‍ഡന്റും ആണ് ഉള്ളത്. ഓരോ സെക്ഷനിലെയും കാര്യങ്ങളുടെ മൊത്തത്തിലുള്ള ചുമതല ഒരു സെക്ഷന്‍ ഓഫീസര്‍ക്കാണ്.
ഓരോ സെക്ഷനുകളിലെയും ഫയലുകള്‍ തീര്‍പ്പാക്കുന്നതായി അവ ഉയര്‍ന്ന തലങ്ങളിലേക്ക് പോകുകയും സെക്ഷനുകളിലേക്ക് തിരികെ എത്തിക്കുകയും ചെയ്യുന്നു. ഓരോ കേസിലെയും തീരുമാനങ്ങള്‍ സെക്രട്ടേറിയറ്റ് ''റൂള്‍സ് ഓഫ് ബിസിനസ്സില്‍'' നിര്‍ദ്ദേശിച്ചിരിക്കുന്നതുപോലെ ഉയര്‍ന്ന തലത്തിലാണ് എടുക്കുന്നത്. ഫയല്‍ നീക്കത്തിന്റെയും തീരുമാനമെടുക്കലിന്റെയും ശ്രേണി ഇപ്രകാരമാണ്
അസിസ്റ്റന്റ് ► സെക്ഷന്‍ ഓഫീസര്‍ ► അണ്ടര്‍ സെക്രട്ടറി ► ഡെപ്യൂട്ടി സെക്രട്ടറി / ജോയിന്റ് സെക്രട്ടറി / അഡീഷണല്‍ സെക്രട്ടറി / സ്പെഷ്യല് സെക്രട്ടറി ► സെക്രട്ടറി / പ്രിന്‍സിപ്പല്‍ സെക്രട്ടറി /അഡീഷണല്‍ ചീഫ് സെക്രട്ടറി ► മന്ത്രി
പൊതുഭരണ വകുപ്പിന്റെ ഘടന :
പ്രിന്‍സിപ്പല്‍ സെക്രട്ടറിയുടെ നേതൃത്വത്തിലും സ്പെഷ്യല് സെക്രട്ടറിമാരുടെ കീഴിലുമാണ് പൊതുഭരണ വകുപ്പ് പ്രവര്‍ത്തിക്കുന്നത്.
